تصنيفات

21 يوليو، 2021

أبجد

رئيس مجلس الأدارة / فاطمة العالم

أسلام وهيب : ايه اصلا القصر العيني وليه أسمه كدة

أقولك أناسنة ١٣٦١ م اتولد في مدينة عنتاب اللي هي واقعة علي الحدود التركية السورية الآن واحد أسمه أبو محمد بدر الدين العيني الحنفي وكلمة العيني دي نسبة لمدينة عنتاب اللي اتولد فيها زي مثلا عندنا طنطاوي أو السوهاجي أو المنوفي لقب بينم عن المنطقة وبرضو بسبب موقع المكان الجغرافي بدر الدين كان بيجيد اللغة العربية واللغة التركيا.بدر الدين جه مصر في عهد السلطان الظاهر برقوق مؤسس دولة المماليك الجراكسة في مصر وبسبب علمه وتعدد اللغة عنده كرمه السلطان وولاه التدريس بالمدرسة الظاهرية، بدر الدين كان مهتم جدًا بالعلم وليه مؤلفات في شرح الفقه والعقيدة زي عمدة القاري في شرح البخاري وزي منحة السلوك في شرح تحفة الملوك في الفقه الحنفي وزي البناية في شرح الهداية وهو الفقه الحنفي أيضًا، ليه كمان مؤلفات في التاريخ زي عقد الجمان في تاريخ أهل الزمان ده غير كتب في النحو وفي اللغة العربية، المهم لقى بدر الدين حفاوة في مصر كبيرة وتدرج في السلطه بشكل سريع حتى انه وصل لمنصب قاضي قضاه شرعي في عهد السلطان بيرسبايتوفى بدر الدين سنة ١٤٥١ م عن عمر ٩٠ عامًا وأدفن في المدرسة اللي كان بيدرس فيها في منطقة الدرب الأحمر تحت قبة بناها هناك خلف المسجد الأزهر واللي اتبنى بعدها منزل زينب خاتون بجواره.المهم العيني كان ليه ولد أسمه عبد الرحيم خلف ولد أسمه شهاب الدين يعني الأمير شهاب الدين بن عبد الرحيم بن بدر الدين العيني.الأمير ده بقى بنى قصر في القاهرة مكان مستشفي قصر العين الفرنساوي حاليًا وسماه القصر العيني وعمله أول قصر متخصص لتعليم وتدريس الطب في مصر والكلام ده كان سنة ١٤٨٥ م ولحد النهاردة المكان بيحمل نفس الأسم القصر العينيمصر كل شبر فيها ليه حكاية وتاريخ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *