تصنيفات

19 يونيو، 2021

أبجد

رئيس مجلس الأدارة / فاطمة العالم

محمد فتحى : أوسع حضن ضاق

مش قولتي لازم نفترق

ياللي إنتي أوسع حضن ضاق !!

فاكرة هايبعدنا الفراق .. ؟

من إمتي كان بُعد المكان

بَعد الفراق يتسمَّي بُعد !!

من إمتى كل إتنين بعيد متفرَّقين ..

مش ويَّا بعض !!

البُعد مش بُعد المكان

البُعد قلب ماصانش وعد

البُعد حد تموت عليه

البُعد حد يعيش عليك

البُعد حُضن ماطمنَكش

البُعد قلب ماكانش ليك

وماكانش مصدر للأمان

البعد حُضن بدون حنان

البعد مِش رُوْحت ومشيت

البعد حضن ماكانش بيت

البعد معناه قلب مَل

وقلب يدفع التَمن ..

البُعد عُمرُه ما كان مسافة

وعُمرُه بردو ماكان زمن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *