تصنيفات

24 يوليو، 2021

أبجد

رئيس مجلس الأدارة / فاطمة العالم

عصام مقار: السلم والتعبان

من وانا عيّل

ولحد مفيش وقت قليل

كان عندي سؤال

مالقيتش إجابته عشان غلبان

مين كان في اللعبة بيخدمني

السلِم ولا التِعبان؟

السلِم عالي وغداروالزهر من اللف احتار

هايجيب ستة هانلعب تاني

التِعبان فاكر انه اذاني

لكن خلاني العب اكتر

خلاني استمتع بالجيم

اما السلِم سهتان ولئيم

كان بيعديني صفوف وصفو

وانا كلي فضول كان نفسي اشوف

الرحلة واصاحب تفاصيلها

السلِم كان بيكروتني بيوصلني لحد آخرها

مع ان انا نفسي العب تاني

التِعبان سابني وعدّاني

وكان فاكر انه بيخدمني

اتاريه للسلِم سلّمْني

وانا ليه استسلمت

وكبرت واديني اتعلمت

الدنيا دي فيها حاجات ياما

ان التِعبان مش دوامة

وان السِلم معناه اوعَر

معناه ان اللعبة هاتخلص

معناه ان المتعة هاتنقص

وان احنا كبرنا وبنفلفص

في نهاية الدورفالمرة الجاية اما هانلعب

انا هابقى صبور

مش هاستعجلمش هاروح للسِلم واستقصر

وهابطل خوف م التعبان

علشان طلع السلم اخطر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *