تصنيفات

19 يونيو، 2021

أبجد

رئيس مجلس الأدارة / فاطمة العالم

أسلام وهيب : بئر يوسف أو بير يوسف

بئر يوسف , أو بير يوسف

هو بئر مخصص للمياة موجود داخل قلعة الحكم أو قلعة الجبل كما كانت تسمى !! طبعًا أنت أول ما تسمع الأسم ده هيروح لدماغك علطول سيدنا يوسف , ما هو بير ويوسف في الوقت نفسه بس الحقيقة أنه لا الكالم ده مش صح . البئر ده هو الأثر الأيوبي الوحيد اللي موجود في القلعة اللي بناها صلاح الدين قبل ما يغير ملامحها المماليك ثم العثمانيين ثم أسرة محمد على طبعًا اللي زينها بالمسجد بتاعه . يعني البئر ده اللي عمله صلاح الدين !!! طيب ليه أسمه بئر يوسف ؟! لأن صلاح الدين أسمه الحقيقي هو يوسف بن أيوب بن شاذي بن مروان بن يعقوب الدُويني التكريتي والملقب بــ صلاح الدين فبالتالي اتسمى البئر على أسمه بئر يوسف . البئر ده اللي فكر فيه هو بهاء الدين قراقروش وزير صلاح الدين علشان يكون مصدر للماء جوه القلعة ومش بس كدة لا ده مكان خطط أنه يبقى ليه خزانات تكفي الميه فيه لمدة سنتين وده علشان حال أي حصار للقلعة يقدر الجيش وكل اللي جوه القلعة أنهم يلاقوا المية . البئر ده اتنحت في الصخر وطبعًا كان بيستغل فيه قراقوش كل الأسرى الصليبيين اللي تم أسرهم في معاركهم ضدد صلاح الدين وحفره على عمق 50 متر تحت سطح الأرض بعدين طلب قراقوش أنه يزود في البناء أكثر فوصل ل 90 متر وقعد يسحب فيها لحد ما جه في يوم والمية بدأت تملح وتبقى غير صالحة للشرب !! المية كانت بتطلع على مرحلتين المرحلة الأولى كانت ساقة على عمق 50 متر بتلف وتسحب المية اللي تحت المؤرخين في وصفهم للساقية دي وطبعًا على رأسهم المقريزي بيقول أن الساقية كانت بتلف عن طريق الأبقار , البقر كان بينزل وهو صغير ويكبر تحت ولما تعجز تدبح وتطلع لحمه !!! يعني البقرة اللي بتنزل صغيرة وبتكبر مش هتعرف تطلع تاني من ضيق الممرات !!! المرحلة التانية هي الساقية الموجودة فوق ودي اللي بتسحب المية من العنق 50 متر وتطلعه على الحوض بتاع الشرب والخزانات فوق ودي الساقية اللي موجودة في الصور تحت . للأسف الشديد المكان مقفول ومش مفتوح للزيارة لسبب غير معلو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *