تصنيفات

13 يونيو، 2021

أبجد

رئيس مجلس الأدارة / فاطمة العالم

هبة حلاوة : كلنا بنعافر ف الدنيا

كلنا بنعافر ف الدنيا…

مكسوف من إيه؟!

نطلع من نقرة للتانية

ناخد السكسيه

ضحك وتصقيف

على خيبتنا .. وهنعمل إيه؟!

والحمل سخيف

وبطيابتنا .. بنكلبش فيه

مخنوق كدا ليه؟!

الدنيا غرورة لكن فانية

والحال رحال

قادر يتبدل و ف ثانية

بتزيد أحمال

وتخف علينا حمول تانية

مستغرب ليه؟!

كلنا بنعافر ف الدنيا

والعمر تملي بيتعفرت

الحق عليه ..

وسنينه م العقد بتفرط

ونلملم فيه

كلنا بنعافر ف الدنيا

شحات أو بيه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *