تصنيفات

20 يونيو، 2021

أبجد

رئيس مجلس الأدارة / فاطمة العالم

نبيل عبد الرحمن : قيراط وجع

وسهرت ليلى الطويل

لما انكتب لى قيراط وجع

لملمت انا على نفسي من الجراح توبي

الزرعة المتينة تميل لو جفاها الريح

وتقول قدرى ومكتوبي

عالبعد لم لومتكم عالقرب لومتونى

فى الشدة لم بعتكم فى الشدة بعتونى

قدرى انى احب وادوب

وألقى الفراق مكتوب

مع ناس انا عشقتهم لم كانوا حبونى

وسهرت ليلى الطويل اغنى مواويلى

ومشيت فى سكة حزين انزف دموع عينى

شافتنى امى حزين قامت فى صلاتها تدعيلى

قالت لى يابنى اهدينى وبصدقك ارضينى

ليه شايفة دموع الغدر فى عنيك يا نور عينى

قولت لها هجر الحبيب يااما مبكينى

قالت لى قدرك ونصيبك يابن ياحبيب

يدور على عيشنا بصبر وماتقولش اه يانى

د الحظ بيجى مرة وما بعدهاش تانى

وامسح دموعك بفرحك وامسح دموع عينى

وطلعت اغنى مع الليل بالويل مواويلى

غنيت وقولت ياليلى ياعينى ياليلى

القمر قال لى حرام ياادمى تبكينى

والنجوم قالت بلاش تنزل دموع عينى

وسحابة نادت وقالت ارجوك بسكوتك افدينى

انا قولت خلاص راح اغنى اغانى الفرح وادفن مواويلى

ولا اقول تعبت خلاص وبعزة وباخلاص هتقيد قناديلى

ولا هبكى مرة حزين ومن دموع العين تنشف مناديلى

سمعت صوت البحر بيقول ياريت ياادمى بفرحك اهدينى

دا احنا فى زمن الغدر

غنى اغانى الفرح

غنى يانورعينى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *