تصنيفات

14 يونيو، 2021

أبجد

رئيس مجلس الأدارة / فاطمة العالم

عصام مقار: مين على الحياة زقنى

مين ع الحياة دي زقني

مين فيكو رأيي يهمه

اومين فيكو رأيه يهمنى

مين لو كسرته هاينجرح

مين لو كسرني يلمنى

يا ناس جميلة تخصّني

عايز طلب

قلبي اتقلب

على اول الحلم اللي فات

عمري اتسحب

في كمين طريق ست البنات

لو حد ليكم في المرور ..

عايز إيصال

او حتى فرصة للوصال

او بنت حلو تردني

مش حِمل حاجة تخضّني

انا نفسي حضن يضُمني

ارجع تمام ومن سكات

انا عندي فوبيا من الكلام

ومن الأمل ومن اللي فات

ومن اللي مد ايديه يشيلني

بدون ما يقصد هدّني

ومن ساعتها نفسي أعرف

مين ع الحياة دي زقني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *