تصنيفات

18 يونيو، 2021

أبجد

رئيس مجلس الأدارة / فاطمة العالم

هبه حلاوة : كإنك باب

كإنَك باب

يعدي أبويا بالترحاب

وحضنه ليا بعد غياب

كإنَك كافة الأحباب

اللي فاتوا وعششوا فيا

كإنَك كحل بتحضنه عنيا

كإنَك شوقي للفرحة

وتاجي وطوقي والطرحة

تمام تسبيحي ع السبحة مع المناجاة

كإنَك شعري وجمال معناه

كإنَك قلبي اللي أنا نسياه

عشان خبى الوجع جواه

وعاش بيداوي ف المجاريح

كإنَك ليلة ذكر والتواشيح

ب صلاتنا ع النبي تجلجل

كإنَك فرحة طفل بيهلل

وهو سعيدبهدمة جديدة يوم العيد

كإنَك سهم من كيوبيد

وقام راشق ف قلب عنيد

فخلاه داب

كإنَك باب للجنة من غير عذاب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *